Sortu zure lehen webgune pertsonala edo portfolioa IArekin

• Webgune pertsonal baten edo portfolio online baten lehen bertsio funtzionala sortu eta argitaratzea adimen artifizialeko tresnen laguntzarekin.
• Webgune bat sortzeko eta argitaratzeko prozesuaren fase nagusiak ezagutzea, edukien hasierako antolaketatik hasi eta online jartzeraino.
• Sormenezko adimen artifizialeko tresnak erabiltzea, tailerra amaitu ondoren portfolioa aldatu, handitu eta hobetzeko.
• Adimen artifizialaren laguntzarekin testuak sortzea, berrikustea eta hobetzea, eta webgunea diseinatzeko laguntza-edukiak sortzea.

Tailer intentsibo honetan, zure lehenengo web pertsonala edo portfolioa online sortzen ikasiko duzu, adimen artifizialeko, vibecodingeko eta edukien sorkuntza lagundurako tresnak erabiliz.

Hasteko, webgunearen helburuak definituko ditugu, eta informazioa antolatuko dugu lehendik dauden webguneetan, txantiloietan edo zurekin ekartzen dituzun ideietan oinarrituta.

Ondoren, adimen artifiziala erabiliko dugu ideia, ohar edo informazio horiek testu argi, erakargarri eta zure profilera egokituak bihurtzeko. Era berean, irudien aukeraketa eta antolaketa, estilo bisuala, koloreak, informazioaren hierarkia eta webgunea profesionala eta nabigatzeko erraza izan dadin beharrezkoak diren elementuak landuko ditugu.

Vibecoding teknikak erabiliz, modu gidatuan eraikiko dugu orria, eta diseinuaren eta edukien gaineko doikuntzak egingo ditugu, kode guztia eskuz garatu beharrik gabe. Helburua ez da izango webgune konplexu bat sortzea, baizik eta tailerrean bertan argitaratu ahal izango den lehen bertsio sinple, funtzional eta pertsonalizagarri bat.

Amaitzeko, zure webgunea edo portfolioa argitaratzen ikasiko duzu, eta prest utziko duzu hautaketa-prozesuetan, sare profesionaletan edo komunikazioetan partekatzeko.

Aurretiko baldintzarik eta ezagutzarik gabe.

Plaza-kopuru mugatua: 18 pertsona.